O alcalde de Vigo, Abel Caballero, escoitou esta mañá a hostaleiros e comerciantes e decidiu volver cambiar de parecer. O alumeado de Nadal vigués apagarase o domingo 15 de xaneiro e non o 8 de xaneiro.
Despois de comparecer este martes para anunciar que as luces de Nadal se apagarán en Vigo o domingo 8 de xaneiro para aforrar enerxía, Caballero muda a súa decisión tras reunirse cos sectores hoteleiro e hostaleiro e cos comerciantes que lle trasladaron que de apagarse xa este domingo acarrexaría cancelacións masivas das reservas feitas para a fin de semana do 14 e 15 de xaneiro, ademais, dunha moi mala imaxe de cara aos visitantes que xa organizaran a súa estadía na cidade olívica.
Será finalmente o acto de apagado o domingo, 15 de xaneiro, ás 20.00 horas.
