As traballadoras súmanse ao paro convocado a nivel autonómico polo sindicato CIG.
O Servizo de Axuda no Fogar de Ponteareas está en folga indefinida dende este mércores día 2 de novembro. E é que non están conformes co preacordo que firmaron os sindicatos CC OO e UXT porque «contemplan subas salariais por baixo do IPC e introduce unha doble escala salarial que suporá unha discriminación en función do municipio no que se traballe e leva ás traballadoras cara á precariedade e a pobreza», segundo apuntan.
En Ponteareas, as trablladoras só fan os servizos mínimos. É dicir, dan de comer e proporcionan os medicamentos aos usuarios e as usuarias pero non realizan tarefas de limpeza como si facían ata o de agora.
Unha das traballadoras do SAF de Ponteareas, Digna Cardoso, explica os motivos da folga nos informativos comarcais de Si Radio de Galicia:
