Interviñeron a Garda Civil e Policía Local.
Unha liorta que tivo lugar nun bar do centro de Ponteareas terminou cunha denuncia por danos. Os feitos ocorreron este martes sobre as 19:00 horas. Un grupo de seis persoas entraron no local lanzando polo aire mesas e cadeiras logo de que un dos seus familiares, un mozo duns 20 anos, lles alertara de que o camareiro lle dera dúas labazadas.
Segundo fontes cercanas, a liorta comezou cando o mozo negouse a pagar a consumición no local. Foi entón cando, segundo a versión do rapaz, o camareiro lle deu dúas labazadas. O xove chamou a súa familia e estes entraron no local causando danos materiais.
Ata o lugar acudiu a Garda Civil, Policía Local e Erxencias Sanitarias, aínda que non fixo falta atender a ninguén.
