Celebrouse unha reunión cos propietarios para explicarlles en detalle o trazado da nova senda, na que manifestaron maioritariamente a intención de cesión voluntaria
O pasado mércores celebrouse no Multiusos das Pozas unha reunión cos propietarios das parcelas nas que son necesarias cesións para completar a mellora da Estrada Tameiga-Pereiras. Realizouse tras ter levado a cabo un estudo topogáfico previo, de medición pormenorizada e de estaquillado.
Na reunión coa veciñanza indicóuselles en detalle o trazado da nova senda e o seu deseño. Asistiron a alcaldesa, Nidia Arévalo, o tenente alcalde e concelleiro de Vías e Obras, Camilo Augusto, o edil mosense de Urbanismo, José Areal, o técnico de administración xeral, Víctor Rodríguez, e o arquitecto municipal, Ramón Vega.
Os veciños propietarios de parcelas nas que sería necesaria cesión para a senda son sobre 100. Na xuntanza de onte, entre os presentes, manifestouse unha vontade maioritaria de cesión.
Co o estaquillado realizado na Estrada Tameiga-Pereiras este pasado verán, que marca as cesións que serían necesarias para completar a mellora deste vial, realizouse tamén un estudo topográfico previo para a nova senda peonil da Estrada Tameiga-Pereiras.
A primeira das xuntanzas coa veciñanza para explicarlles o proxecto realizouse o 1 de decembro de 2021, tamén no Multiusos das Pozas.
A nova senda peonil irá precedida da remodelación da contorna da Capela de San Eleuterio. O proxecto de remodelación da contorna da Capela de San Eleuterio en Tameiga será previo ao inicio desta senda, e con el transformarase totalmente esta zona. A obra na contorna da Capela de San Eleuterio é o paso previo á mellora da Estrada Tameiga-Pereiras, onde se acometerá a senda peonil.
Contorna da Capela de San Eleuterio
O proxecto de transformación da contorna da Capela de San Eleuterio, converterá a zona nun espazo público de calidade, con nova pavimentación e dotación de vexetación, arboreda, iluminación e instalacións urbanas, establecendo prioridade peonil na totalidade do ámbito, de 4.800 m2 de superficie, mellorando as condicións de accesibilidade e poñendo en valor os elementos catalogados. Unha mellora que beneficiará á zona da Capela e o cruceiro de San Eleuterio.
Proponse a plataforma única como solución idónea de convivencia entre o peón e o vehículo, desdebuxando os límites entre a zona peonil e a zona de rodadura, permitindo que os viandantes poidan apropiarse desta zona de tránsito motorizado, que se establece no perímetro Sur e Este de o ámbito, no camiño Laxiñas e a estrada Tameiga-Pereiras. Este vial perimetral proxéctase con pavimento de formigón puído con xuntas abertas entreveradas en céspede, marcando sutilmente a zona de rodadura mediante xuntas de retracción, plantación de arces vermellos e farois de iluminación dobre.
