Sabela, Aída e Olaia ofrecerán un concerto no Porriño o 30 de setembro
As Tanxugueiras serán un dos grandes atractivos das próximas Festas do Cristo. Sabela , Aída e Olaia recalarán no Porriño o 30 de setembro para ofrecer un concerto que promete ser todo un éxito de afluencia. O recital comezará ás 22.30 horas e a entrada será gratuíta.
Dende que as galegas presentaran a súa candidatura para representar a España no festival de Eurovisión, o seu éxito non parou de medrar, e regresan ao Porriño co seu novo disco “Diluvio” que se presenta como unha viaxe de indagación e autocoñecemento.
As creadoras firman todos os temas de “Diluvio” e apostan pola reinterpretación da tradición galega a través da fusión con ritmos urbanos coa intención de achegar a música de raíz ao público máis novo.
Nos próximos días, o Concello do Porriño presentará a programación das Festas do Cristo 2022 que, xunto ás Tanxugueiras, vén cargada de pratos fortes e actividades para todos os públicos.
