Un veciño atopou este martes un cadáver na zona de San Marcos, en Santiago de Compostela, preto de onde desde a semana pasada se buscaba a un home de 77 anos que estaba desaparecido.
A Policía Nacional informou que foi un particular quen sobre as 8,20 horas deu a voz de alarma tras achar o corpo sen vida.
Produciuse o levantamento do cadáver e resta a identificación oficial do corpo que determine se finalmente se corresponde co septuaxenario que permanecía en paradoiro descoñecido.
A falta de confirmación, a asociación SOS Desaparecidos xa desactivou a alerta de procura relativa a Andrés Míguez Seijo, que desaparecera o pasado luns, 18 de xullo, na capital galega.
