O servizo entrará en funcionamento o vindeiro luns, 18 de xullo, cunha frecuencia diaria
Atendendo á solicitude do Concello do Porriño en resposta ás demandas da veciñanza O Porriño contará cunha liña de autobús que conectará o núcleo urbano con praia América, en Nigrán.
A nova liña entrará en funcionamento o vindeiro luns, 18 de xullo, con frecuencia diaria, incluíndo laborais e festivos.
O horario de saída será ás 12.00 horas dende a parada de autobuses da Avenida de de Galicia e a volta ás 20.00 horas dende a rotonda de Rans, en praia América. A viaxe será directa pola autopista.
O custe do servizo será de 1,55 euros por viaxe, rebaixado a 0,88 euros para quen conte coa tarxeta metropolitana.
