Os seus 11 tripulantes están a salvo. Foron rescatados do barco Piedras, con sede en Marín, por outro pesqueiro galego, o Armavén Uno. O barco pesqueiro sufriu unha vía de auga este mércores cando faenaba no caladoiro do Gran Sol. Puido enviar sinal de socorro a tempo e toda a súa tripulación (con 7 españois) foi rescatada antes de que o arrastreiro se afundira.
Un pesqueiro de Marín, Piedras, afúndese en augas do caladoiro británico, Gran Sol, tras sufrir unha vía de auga.O barco partiu o pasado 16 de maio da localidade marinense con 11 tripulantes, sete deles españois. No porto de Marín vivíronse momentos de incerteza e temor ata saber que todas as persoas a bordo do buque, do grupo Noray Pesca, foran rescatados sans e salvos.
Foi o pesqueiro Armaven Uno, que se atopaba próximo ao buque accidentado no momento no que se produciu a avaría e quedou á deriva, o que auxiliou aos mariñeiros.
Inicialmente rescatouse a nove tripulantes e sobre o barco quedaron o patrón e o xefe de máquinas. Pero o Piedras estaba tan escorado que, ante o perigo e a dificultade de achicar a auga, foron tamén evacuados.
O barco Piedras é de bandeira inglesa pero con porto basee en Marín, continúa á deriva a 64 millas suroeste de Cabo Mizen, en Irlanda.
Desde Noray Pesca, a sociedade cooperativa San Miguel de Mar de Marín, confirman que os 11 tripulantes son rescatados ao porto máis próximo, en Irlanda.
A vía de auga é a causa máis probable do afundimento pero será o patrón quen aclare o acontecido.
