As áreas sanitarias de Vigo e Ourense teñen máis de 900 casos de coronavirus cada unha tras sumar un cento de novos casos na última xornada. Os hospitais tamén contabilizan xa 105 ingresados por coronavirus, 12 deles en UCI.
Galicia segue incrementando o número de casos activos, que xa pasa dos 3.500, e supera o pico da cuarta vaga, rexistrado o pasado 29 de abril. En total, hai 3.573 persoas con coronavirus en Galicia.
Pola súa parte, rexistráronse 501 novos casos por probas diagnósticas, unha cifra de contaxios diarios que non se alcanzaba desde había case tres meses, desde o pasado 27 de agosto.
Ourense e Vigo, son as áreas sanitarias á cabeza:
Ourense: 936 (+100)
Vigo: 918 (+118)
A Coruña: 533 (+52)
Lugo: 369 (+33)
Santiago: 328 (+38)
Pontevedra: 298 (+28)
Nos hospitais aumentan os ingresos. En planta (+7) pero o número de casos continúa estable en UCI. En total, hai 105 persoas hospitalizadas, 12 en coidados intensivos e 93 en planta.
O Sergas notificou un novo deceso por mor do coronavirus, que leva o número de falecementos aos 2.664 desde o inicio da pandemia.
