Galicia conta con 11.086 casos activos, isto é, 723 máis ca onte.
Segundo a última actualización de Sanidade, arestora son 11.086 galegos e galegas os que están a pasar a enfermidade da COVID-19 na comunidade. Isto quere dicir que son 723 máis que na anterior xornada.
Todas as áreas sanitarias aumentan no número de casos activos a que máis o fai é a de Vigo ata acadar os 2.490:
Vigo: 2.490 (+171)
Ourense: 2.014 (+66)
A Coruña: 1.898 (+168)
Pontevedra: 1.879 (+82)
Santiago: 1.357 (+106)
Lugo: 1.023 (+87)
Ferrol: 425 (+43)
A presión hospitalaria aumenta en Galicia ata os 140 pacientes que precisan hospitalización por mor da COVID-19. Deles, 21 están nas UCI, un menos ca onte, mais aumenta o número de persoas que están en camas convencionais a causa do virus en 19 máis ata os 119.
