Comezaron xa os traballos de pavimentación no Camiño de Mosqueira en Guizán, derradeira das cinco estradas municipais optimizados, que quedarán rematados esta mesma tarde
A falla unicamente da sinalización horizontal, mediante pintado, nos 5 camiños, este mércores iniciouse o último dos asfaltados incluídos no Plan Municipal de Mellora da Pavimentación en Camiños do Concello de Mos: o Camiño de Mosqueira, na parroquia de Guizán, que quedará finalizado esta mesma tarde.
Os outros catro, nos que xa se levou a cabo a reposición do firme, son os camiños de Couso (Pereiras), Xaberga (Pereiras), Pardellas (Cela) e Piñeiro (Louredo).
Estas obras, que forman parte do Plan Municipal de Mellora da Pavimentación, fináncianse con fondos propios da administración local e dividíronse en dous lotes.
O lote 1 inclúe os camiños Mosqueira (Guizán) e Piñeiro (Louredo) e o lote 2 os camiños Xaberga (Pereiras), Couso (Pereiras) e Pardellas (Cela). A inversión total que fai o Concello de Mos nestas melloras ascende a 231.611,70 euros.
O Concello de Mos fai unha inversión de máis de 230.000 euros nestas melloras
O Camiño Mosqueira (Guizán) ten unha lonxitude de 271 metros e un ancho medio de 5 metros, o Camiño Piñeiro (Louredo) unha lonxitude de 488,50 metros e un ancho medio de 5 metros, o Camiño Xaberga (Pereiras) unha lonxitude de 538 metros e un ancho medio de 6 metros, o Camiño de Couso (Pereiras) unha lonxitude de 775 metros e un ancho medio de 5 metros e o Camiño de Pardellas (Cela), unha lonxitude de 1001 metros e un ancho medio de 5 metros. Un total de máis de 3 quilómetros de vías foron así asfaltados.
As obras de mellora da pavimentación, comprenden actuacións previas como o desbrozado lateral, limpeza de cunetas e noiros, seguidas dos firmes e pavimentos nos que se realiza unha regularización da capa de rodadura coa aplicación de asfalto, recrecido, aplicación do rego de adherencia con emulsión asfáltica e por último as obras adicionais que son as necesarias para realizar actuacións que non están englobadas na pavimentación pero que son imprescindibles para que a obra quede perfectamente rematada e garantir totalmente a seguridade viaria. Como obras adicionais considéranse o recrecido das tapas das arquetas e dos pozos e o arranxo das beiravías. Para finalizar dotarase aos camiños con sinales de prohibición e obriga co fin de facilitar as incorporacións nas interseccións.
O Concello de Mos ten como un dos obxectivos principais da administración local que o viario municipal se atope nas mellores condicións de uso, o que supón un garante na seguridade viaria. Así como avanzar no Plan Mos Humanizado para seguir a construír un municipio máis transitable e habitable, máis cómodo e amable para circular tanto a pé como en vehículo. É por elo que se consideran estas obras tan necesarias, posto que supoñen unha importante optimización da seguridade viaria
