Dende o Concello habilitarán un servizo de atención e asesoramento á veciñanza para evitarlles o desprazamento a Porriño.
Logo do anuncio dun procedemento de revisión de valores de solo urbano feito unilateralmente polo Ministerio de Hacienda e comunicado ao Concello fai uns días, dende este último informan que as persoas afectadas por este procedemento recibirán unha notificación no seu domicilio.
O servizo de atención e asesoramento ofrecido polo Concello entrará en funcionamento unha vez se reciban as mencionadas notificacións, polo que solicitan aos veciños que agarden a recibir o aviso e indican que só se atenderá baixo cita previa a través do teléfono do Concello.
