As farmacias da provincia de Pontevedra tramitaron ata agora algo máis de 15.000 probas de saliva para detectar positivos de COVID-19 e con elas detectáronse 30 infectados. Desde o martes as probas realízanse en farmacias de toda Galicia. Son aptas para persoas de 40 a 64 anos.
As probas de saliva que facilitan e recollen as farmacias da provincia de Pontevedra permitiron detectar até o momento 30 positivos por COVID-19 dun total de 15.040 mostras analizadas.
Os datos facilitounos a delegada da Xunta en Vigo, Marta Fernández Tapias, durante a visita a unha botica viguesa acompañada da presidenta do Colexio Oficial de Farmacéuticos de Pontevedra, Alba Soutelo.
Este programa probouse a través dunha proba piloto en seis das 429 farmacias da provincia de Pontevedra, das cales 381 adheríronse ao mesmo.
As farmacias participantes ofrecen kits de saliva a aqueles clientes con idades comprendidas entre os 40 e os 64 anos. As mostras son remitidas posteriormente ao laboratorio de microbiología de cada área sanitaria para ser analizadas. Se o resultado é negativo, infórmaselles á participantes vía SMS, e se é positivo, cítaselles para unha proba PCR
