O segundo intento de lanzamento do vehículo Starship, da firma SpaceX (propiedade de Elon Musk), tivo o mesmo resultado que o primero: unha explosión.
Segundo informa a BBC, a nave non tripulada, chamada SN9, acadou unha altitude de 10 km e logo iniciou unha maniobra programada de descenso controlado a pouca distancia de onde despegara, na costa do estado de Texas. Mais algo fallou e quedou destruída.
A mesma maniobra foi posta a proba o mes pasado co modelo SN8, que rematou impactando na terra e explotando de xeito inesperado.
Porén, SpaceX dixo que obtivo unha grande cantidade de datos e que os seus enxeñeiros seguirían adiante co programa.
«Lembren, este foi un voo de proba, a segunda vez que voamos Starship nesta configuración», dixo John Insprucker, o comentarista das transmisións de SpaceX. «Só temos que traballar un pouco nese aterraxe. Mais resolverémolo coa equipa a medida que se revisen os datos. Estivemos en contacto coa telemetría ata o fin. Así que, en total, outra grande proba».
A nave espacial, de 50 metros de altura, é un prototipo de transporte espacial futuro. O director de SpaceX, Elon Musk, cre que unha vez que estea completamente desenvolvido, o vehículo será capaz de levar persoas a Marte. Tamén podería transportar pasaxeiros a grande velocidade por todo o mundo. Ou pór satélites en órbita.
O deseño do Starship está progresando rapidamente nas instalacións de I+D da compañía, cerca da pequena vila costeira de Boca Chica, Texas.
Coma o SN8, o vehículo foi enviado cara o ceo polos seus tres motores Raptor que queiman metano. Foron apagados en secuencia, a medida que o prototipo acadaba a altitude desexada.
Ao chegar a ese punto, o Starship posicionouse de xeito horizontal para comezar a súa volta á terra, explicou o corresponsal de Ciencia da BBC, Jonathan Amos.
Este descenso, controlado por grandes aletas en cada extremo do vehículo, busca simular como as naves espaciais futuras volverán a entrar na atmosfera da Tierra desde a órbita. Con esa posición, a ampla superficie que xera o vehículo reduce a velocidade.
A idea é que o vehículo retome unha posición de cola cara abaixo xusto antes de chegar á superficie, momento no que se volven a acender dous motores para frear a caída.
Pero a primeira vista, o SN9 só logrou acender un motor correctamente, di Amos. O vehículo quedou envolto en chamas ao impactar na plataforma de formigón en terra.
SpaceX xa ten un SN10 montado para o próximo voo experimental. Outros prototipos atópanse en varias etapas de ensamblaxe en Boca Chica.
Musk declarou que Starship é agora a prioridade número un para SpaceX. A NASA pediulle que examine a posibilidade de aterrar unha nave espacial na superficie lunar nos próximos anos.
